Минатиот четврток, на 22 јули, Меѓународниот суд на правдата го соопшти своето Советодавно мислење за едностраното прогласување независност на Косово, со одлука дека декларацијата не претставува кршење на меѓународното право које не забранува такви декларации.

На 11 јули, во Сребреница, беше одбележана 15-та годишнина од Геноцидот во Сребреница, кога повеќе од 8,000 Бошњачки мажи и младинци беа убиено по паѓањето на источнобосанкото гратче во рацете на војската на Република Српска, под команда на обвинетиот воен злосторник Ратко Младиќ. (Добар преглед на хронологијата на настаните пред и по 11 јули, 1995 година, денот на паѓањето на Сребреница, има на Википедија).

На 2 јули, Генералното Собрание на Обединетите Народи со едногласна одлука го поддржа основањето на ново тело кое ќе има задача да го забрза напредокот на полето на исполнувањето на потребите на девојките и жените од целиот свет. Основањето на телото за родова рамноправност и јакнење на жените – ќе биде познато под името ОН Жени (UN Women) - е резултат на долгогодишните преговори помеѓу државите членки и напорите на полето на застапувањето на глобалното женско движење. Телото е дел од планот за реформи на ОН, во склоп на консолидацијата на ресурсите и мандатите за да се постигнат подобри резултати.