Обединетите нации го прогласија 8 Март за Меѓународен ден на жените во 1975 година, Меѓународната година на жената, за да ја одбележат долгата историја (повеќе на Wikipedia) на прослави и протести.

Во нашиве краишта, традицијата на активизам и барање права за жените беше заменета во социјализмот од традиција на организирани забави по рестораните, букети цвеќе и долги здодевни конференции на официјалните женски организации (дотолку што Википедија вели, најверојатно со полно право, дека се работи за комбинација на Денот на мајката и Св. Валентин).

Управниот одбор на Регионалното женско лоби за мир, безбедност и правда во југоисточна Европа, на стратешкиот состанок во Тирана, 01-03 март 2010, посвети посебно внимание на понатамошното подобрување на својата структура и функционирање, како и на формулирањето на заеднички ставови за клучните случувања во регионот.

Маја Шаркановиќ-Волк, независен консултант на Владата на САД за односи со медиумите и за осносите со Балканот, пишува за ТрансКонфликт дека забрзувањето на процесот на интеграција на земјите од Западен Балкан во ЕУ бара нов импулс, преку поголеми финансиски вложувања и ангажман на поединци со значителна политичка и дипломатска тежина.