Младинскиот сојуз од Крушево ја организира 8-та меѓународна младинска конференција „Европските вредности за иднината на земјите од Југоисточна Европа“, 3-7 септември, 2010 година, во Крушево.

ЦИВИЛ МЕДИА – Центар за медиуми и слобода на говор ќе ги претстави програмските и стратешките определби, планови и проекти, во ГЕМ Клуб/Менада, во Старата скопска чаршија, во среда, 16 јуни. Во склоп на презентацијата, ЦИВИЛ МЕДИА организира и дебата на темата „ГОВОРОТ НА ОМРАЗА, МЕДИУМИТЕ И ПОЛИТИЧКАТА КУЛТУРА“.

ЦИВИЛ – Центарот за слобода организира изложба „Слободата е моја омилена боја“ (среда, 2 јуни) во Факултетот за ликовни уметности во Сули Ан, Стара скопска чаршија, со дела подготвени во рамките на истоимениот проект за подобрување на меѓуетничките односи меѓу децата и младите преку предавања и ликовни работилници за деца на возраст од 7-14 години од од Куманово, Кичево и Струга.

flossk logoНа покана на здружението ФЛОССК Косово, на 4 јуни во Косово ќе гостува основачот на Фондацијата за Слободен Софтвер - Ричард Сталман.

Лудвиг Болтцман Институтот за Човекови Права – БИМ-ВФ со особено задоволство ги повикува сите граѓански организации кои се активни на полето на намалување на сиромаштијата и социјално вклучување, т.е. НВОи, фондации, синдикати и други релевантни актери, како што се социјалните работници, истражувачи итн. да земат учество во основањето на Македонската Платформа Против Сиромаштија (МППС).

Во рамките на проектот ,,Социјално вклучување и човековите права во Македонија“, кој е финансиран од Австриската Агенција за Развој , БИМ-ФВ ќе го поддржи основањето на една ваква платформа која ќе ја поврзе Република Македонија со остатокот од Европа во борбата против сиромаштијата и социјалната исклученост.

Асоцијацијата за здравствена едукација и истражување Х.Е.Р.А., во соработка со НВО Виа Вита од Битола, организираат трибина, во четврток, 10 декември, 2009 година, на која ќе ја промовира Младинската декларација „Вклучи се: Сексуални права за сите“ и ќе побара поголема поддршка за програмите насочени кон подобрување на сексуалното и репродуктивното здравје и права на младите во нашата земја, на национално и локално ниво.

Изложбата на плакати од Вториот меѓународен конкурс за плакат на тема: „Моќта против сиромаштијата“, се отвара во петок, 27 ноември 2009, во 20.00 часот во Музеј на Град Скопје.