Делегација на Светскиот марш за мир и ненасилство вчера се сретна со хрватскиот Претседател Стјепан Месиќ. На средбата, на Месиќ му беа претставени документите на Светскиот марш и од него беше побарано да ја прочита и поддржи Повелбата за свет без насилство на добитниците на Нобеловата награда.

Во пријателска атмосфера, Месиќ се сликаше за групна фотографија со слоганот на Маршот, и ја изрази својата желба за обединета Европа која ги вклучува сите држави од поранешна Југославија, додавајќи дека обединета Европа е вистинскиот начин да обезбедиме дека нема да има идни судири во регионот. Тој посочи на вековните судири помеѓу Германија и Франција пред создавањето на Европската економска заедница (ЕЕЗ).He pointed out the history of conflict between France and Germany lasted for hundreds of years before the formation of the EEC.

Тони Робинсон од Велика Британија, се согласи во името на делегацијата дека постои потреба за создавање на обединета Европа и ја посочи апсурдната ситуација со бројните граници кои се појавија по распаѓањето на Југославија, со оглед на амбицијата на сите нови држави во регионот да пристапат кон Шенгенските договори што е можно поскоро. Робинсон ги спомна конфликтите со кои Маршот се сретна во Израел/Палестина и во Кореја, средбите со преживеаните во Хирошима и апсурдноста на обидот да се раздвојат луѓето со ѕидови и огради, како што беше Берлинскиот ѕид чија 20-годипнина од рушењето ќе ја прославиме за неколку дена.

Беа спомнати и потребата да се пренасочат воените трошоци, кои во 2008 година надминаа 1,5 трилиони долари, за да се справиме со неодложните проблеми како што се здравствената заштита, образованието и уништувањето на животната средина, како и конференцијата за ревизија на Договорот за неширење на нуклеарното оружје што ќе се одржи наредната година.

Месиќ одговори со потсетување на сопсвените искуства во Втората светска војна и Балканските војни и додаде „Не постои човек кој повеќе го сака мирот од мене“. (Извор: World March in SEE)