Првата детска амбасада во светот Меѓаши побара од надлежните органи најстроги казни за Велешанецот осомничен за силување на своите три малолетни ќерки и децата да не бидат вратени во семејството затоа што постои опасност тие да ги променат своите изјави под под притисок на најблиските како и поради недоволно разбирање за состојбата во која се наоѓаат.

Македонската организација ХОПС – Опции за здрав живот е добитникот на Меѓународната награда за ХИВ/СИДА и човекови права за 2010 година на Канадската правна мрежа за ХИВ/СИДА и Хјуман Рајтс Воч (Human Rights Watch). Наградата со која се одликуваат извонредни поединци и организации кои работат на заштита на правата и достоинството на луѓе кои се под ризик или влијание на ХИВ/СИДА, беше доделена на 18. меѓународна конференција за ХИВ/СИДА, во Виена.

Дванаесет граѓански организации кои делуваат во полето на борбата со ХИВ/СИДА бараат да се интевизира националниот одговор во постигнувањето на универзален пристап за превенција од ХИВ и СИДА и ги поздравуваат придобивките од долгогодишното финансирање на Глобалниот фонд за ХИВ/СИДА, туберкулоза и маларија.

На 2 јули, Генералното Собрание на Обединетите Народи со едногласна одлука го поддржа основањето на ново тело кое ќе има задача да го забрза напредокот на полето на исполнувањето на потребите на девојките и жените од целиот свет. Основањето на телото за родова рамноправност и јакнење на жените – ќе биде познато под името ОН Жени (UN Women) - е резултат на долгогодишните преговори помеѓу државите членки и напорите на полето на застапувањето на глобалното женско движење. Телото е дел од планот за реформи на ОН, во склоп на консолидацијата на ресурсите и мандатите за да се постигнат подобри резултати.

Младинскиот сојуз од Крушево ја организира 8-та меѓународна младинска конференција „Европските вредности за иднината на земјите од Југоисточна Европа“, 3-7 септември, 2010 година, во Крушево.

Македонското здружение на млади правници и Фондацијата Институт отворено општество – Македонија го означија почетокот на примената на измените и дополнувањата на Законот за слободен пристап до информации од јавен карактер со дистрибуција на едукативни брошури пред зградата на МРТВ, на 28 јуни оваа година. Представниците на двете организации одговараа на прашања на заинтересираните граѓани и нудеа правна помош во врска со слободниот пристап.

Дводневна работилница за е-лидерство во Југоисточна Европа почна вчера, 28 јуни, во зградата на Заедничките институции во Сараево, во просториите на Регионалниот совет за соработка. Семинарот нуди интересна програма со цел да ги зајакне избраните функционери и службеници и да им помогне во наметнувањето на промени во владите во државите од регионот.