Македонската организација ХОПС – Опции за здрав живот е добитникот на Меѓународната награда за ХИВ/СИДА и човекови права за 2010 година на Канадската правна мрежа за ХИВ/СИДА и Хјуман Рајтс Воч (Human Rights Watch). Наградата со која се одликуваат извонредни поединци и организации кои работат на заштита на правата и достоинството на луѓе кои се под ризик или влијание на ХИВ/СИДА, беше доделена на 18. меѓународна конференција за ХИВ/СИДА, во Виена.

Неколку стотини турски, палестински државјани и граѓани на БиХ се собраа на 31 мај во центарот на сараево на мирен протест против израелскиот напад врз шесте бродови во конвојот што пренесуваше хуманитарна помош за Газа. На протестите се собраа главно студенти, на кои им се придружија граѓани на Сараево во поворката низ улиците Ферхадија и Титова до зградата на Парламентот на БиХ.

Меѓународниот ден на борбата против хомофобијата се одбележува на 17 мај, и е фокусиран на универзалниот, како што вели официјалната интернет страна, историски феномен на хомофобијата.

Меѓународниот ден на трудот, 1 Мај, ги слави постигнувањата на работничките и левичарските движења, со демонстрации и улични маршеви организирани од синдикатите и работните луѓе. Таа традиција, во најголемиот дел од светот, продолжи и оваа година. Тековната економска криза, со своите крајно негативни ефекти врз вработеноста, платите и општиот животен стандар, изнесее стотици илјади луѓе на улиците на големите градови во светот, со барање за поправична распределба на последиците од кризата кај сите слоеви во општеството.

Пред две недели, на 8 април, Собранието на Македонија го усвои Законот за спречување на дискриминацијата, среде жестока јавна дебата за нацртот, предизвикана, пред сé, од испуштањето на сексуалната ориентација од листата на групи на кои им е потребна посебна заштита од дискриминација.

Група граѓански организации од Европа го посветија овој месец, април 2010 година, на кампањата за промени во законодавствата на Малта, Кипар, Ирска и Полска, четири членки на ЕУ кои не го признаваат правото на абортус, во склоп на одбележувањето на 20-тата годишнина од промените во белгискиот закон со кои се декриминализираше абортусот.

По повод 20-та годишница од белгискиот Закон за декриминализација на абортусот (усвоен на 3 април, 1990), една платформа на граѓански организации од Белгија, Кипар, Ирска и Полска, заедно со Европското женско лоби, лансираше европски повик за слободен пристап до абортус за сите жени во Европа.