Në një debat organizuar nga Qendra për Zhvillimin e Mediave të mbajtur më 22 prill 2013 në Hotelin Holiday Inn në Shkup, komuniteti i mediave në Maqedoni përfundoi se përmbajtjet dhe mënyra e përgatitjes së projektligjit për media të propozuar nga qeveria e Maqedonisë janë tërësisht të papranueshme.

Mediumet luajnë rol të rëndësishëm në promovimin dhe mbrojtjen e të drejtave të njeriut. Rëndësi të veçantë ka përkrahja që mediumet mund ta japin në mbrojtjen e grupeve të dobëta apo të lëndueshme (të gjithë ata që janë jashtë qendrave të fuqisë, që janë të ekspozuar ndaj llojeve të veçanta të dhunës, që janë në pozitë më të disfavorshme shoqërore dhe që janë të diskriminuar). Ose do të duhet të kishin. Shkruan prof. dr. Mirjana Najçevska, eksperte për të drejtat e njeriut.

Njëri nga rolet e mediumeve në shtetet e zhvilluara demokratike është të jenë kontrollues të pushtetit në aspekt të respektimit dhe të mbrojtjes së të drejtave të njeriut. Një aspekt i rëndësishëm i këtij kontrolli paraqet raportimi për aktgjykimet të Gjykatës evropiane për të drejtat e njeriut (GJЕDNJ) në përgjithësi, dhe në veçanti për ato që kanë të bëjnë me Republikën e Maqedonisë.