Dymbëdhjetë organizata të shoqërisë civile që punojnë në fushën e HIV/AIDS kërkojnë përgjigje më intensive kombëtare për të arritur qasje universale për parandalimin e HIV / AIDS, duke vlerësuar arritjet e financimit afatgjatë nga Fondi global për luftë kundër AIDS-it, tuberkulozit dhe malaries.

Përfaqësuesit e organizatave të shoqërisë civile, të cilët morën pjesë në prezantimin e Ligjit të ri për Vullnetarizëm, organizuar nga Iniciativa Qytetare, në bashkëpunim me Agjencinë për Bashkëpunim me OJQ-të, më 6 qershor, në Beograd, vunë në dukje se ligji ishte shumë i kodifikuar dhe e bën të vështirë për OShC-së ë Serbi për të punësuar vullnetarë në punën e tyre.

Iniciativa e të Rinjve për të Drejtat e Njeriut i dënon spekulimet e publikuara nga e përditshmja "Dnevni Avaz" (7 korrik 2010, "Edhe pesë organizata e kanë lëshuar KOMRA") ku thotë se Iniciativa e ka lëshuar Koalicionin për shkak të "zvogëlimit të fondit për fushatën për mbledhjen e nënshkrimeve për KOMRA". Iniciativa shton se këto pretendime ishin absolutisht të pavërteta dhe se nuk kanë asnjë lidhje me arsyet që janë larguar nga Koalicioni për KOMRA.

Shoqata e avokatëve të rinj maqedonas dhe Fondacioni Instituti Shoqëri e Hapur - Maqedoni shënoi hyrjen në fuqi të ndryshimeve dhe plotësimeve të Ligjit për qasje të lirë në informata me karakter publik me shpërndarjen e broshurave edukative para ndërtesës së Radio Televizionit Maqedonas në 28 qershor 2010, duke ofruar ndihmë ligjore mbi temën e qasjes në informata për qytetarët e interesuar.

Një kurs treditor për trajnim të OSHC-ve në temën "Shkrimi i propozim projekteve për fondet e BE-së” është duke u zhvilluar në Suboticë, nga 22 deri më 24 qershor, nga zyra e TACSO, Serbi.

Komiteti i Avokatëve për të Drejtat e Njeriut (YUCOM) shprehu shqetësimet e tij në lidhje me tensionet e krijuara nga reagimi i Bashkësisë Islame në Serbi për publikimin e një foto montazhe të Myftiut Muamer Zukorliq, me veshje të një prifti ortodoks në faqen e humorit të së përditshmes Blic.

Presidenti kroat Ivo Josipoviq u takua me Tomislav Tomasheviq nga Zelena akcija dhe Teodor Celakoski nga Pravo na grad, shoqata që e kundërshtojnë ndërtimin e qasjes në garazhin nëntokësor në Rrugën Varshavksa. Ursha Raukar, aktore dhe një nga kundërshtarët më të zëshme të projektit të grupit HOTO gjithashtu ishte e pranishme.